文:米  圖:互聯網
POSTED ON 02 Aug 2019

正所謂「天生女人購物狂」,唔少女人都熱愛shopping,自從有網購之後,佢哋仲變本加厲,乜7都買得一餐,阻都阻唔到……而外國都有一位人妻,勁鍾意喺亞馬遜(Amazon)買嘢,屋企成日都收到亞馬遜嘅包裹,老公見個老婆咁鍾意網購,於是就喺佢生日時特登訂咗個「亞馬遜包裹造型蛋糕」送畀佢!

話說呢位人妻Emily McGuire生日當日,就收到一份亞馬遜「包裹」,正當佢奇怪自己最近都冇買嘢,又何來有包裹之際,就發現「包裹」上寫住「Happy Birthday」,原來呢個唔係一個普通嘅亞馬遜包裹,而係一個「亞馬遜包裹造型蛋糕」!認真驚喜!

原來Emily嘅老公係見老婆咁鍾意幫襯亞馬遜,於是就索性送個「亞馬遜包裹造型蛋糕」畀佢。佢聯絡「Sweet Dreams Bakery」呢間蛋糕店特製呢款蛋糕,蛋糕師傅足足用咗八個鐘先完成呢份作品,真係辛苦晒!

如果巴打嚟緊都想送生日蛋糕畀女友,不妨可以參考下呢條橋,送個「淘寶包裹造型蛋糕」都好!