文:MenClub 魏文青  
POSTED ON 23 Sep 2019
要數日本演藝界女神級人馬,綾瀨遙一定榜上有名,佢又好戲,人又靚,身材又好,而且秉承日本演藝界「所有女星都會影水著」嘅優良傳統,仲留下唔少大家好有可能睇到依家嘅清涼寫真。問題係以遙妹依家嘅地位,當然唔使再露身材谷人氣,但舊圖你又睇到悶啦喎,咁可以點呢?咁就可以睇下呢位「清水綾乃」啦!

今年21歲嘅清水綾乃於2011年時曾以「梅田綾乃」嘅身份加入AKB48,2013年成為正式成員,你可能會問,咁點解你之前冇聽過呢個名?個答案咪就係因為佢當時一啲都唔紅,最後於2017年退隊。唔知係退隊之後決心一搏定咩,當年出名怕醜嘅佢佢改名做「清水綾乃」,轉行做咗寫真女星,啲人一發現原來佢身材好到咁嘅就即刻留意到佢,仲因為佢個樣同身材都同遙妹有幾分相似而被稱為「新綾瀨遙」——我知我知,遙妹喺大家嘅心目係冇人可以代替,但男人係博愛架嘛,睇多個又何樂而不為呢?

_shimizu_ayano on Instagram