文:MenClub 艾力克  
POSTED ON 13 Apr 2021

韓國演藝圈向來競爭非常大,即使現時出名嘅女團,過幾年之後好可能就會完全消聲匿跡,一般女團就更加唔使講。唔少女星都諗盡計仔令自己保持人氣,隨住Youtube愈嚟愈普及,林李智(이해인)就把握機會轉型做性感Youtuber,以「清涼」形象大展琴技。

(圖片:leehaeinleezy on Instagram)

現年34歲(我都睇唔出)嘅林李智(이해인)早年因為拍攝一輯影印機廣告走紅,其後加入T-ara師妹女團Gangkiz出道,因為當初嘅清純短髮形象神似日本女神廣末涼子,從而獲得多部韓劇參演機會,可惜奮鬥多年仍未能大紅大紫。唔知佢係咪受到各個性感Youtuber啟發,近年突然打破固有清純形象,轉型做性感Youtuber拍性感彈琴片。皇天不負有心人,佢成功靠Youtube再闖一番事業,現時頻道已經有接近60萬訂閱。

(圖片:leehaeinleezy on Instagram)

小弟就對鋼琴一竅不通嘅,只係識分好聽或者唔好聽。我覺得佢除咗衣著性感之外,彈琴又真係幾好聽,當中亦Cover過唔少知名動漫歌曲,例如《犬夜叉》、《鬼滅之刃》、《龍貓》等等。

資料來源:instagram@leehaeinleezy