文:MenClub 魏文青  
POSTED ON 09 Mar 2020

呢排大家應該都係Work From Home,而Work From Home個人就開始懶,有時外賣都廢事叫煮個面食就當一餐,健唔健康都先唔好理,食到悶嗰下慘嘛!你話如果叮叮飯都可以有米芝蓮級你話幾好?又真係有喎!

O Chef Lab由著名作家兼企業家梁芷珊,伙拍總共奪得19粒米芝蓮星嘅Olivier Elzer創立,推出超過60款叮叮餸或湯,包括法國菜(栗子煙肉燴法國蝸牛、紅酒燴牛肉、傳統法式炆羊肉)、香港茶記菜(粟米肉粒、豆腐枝竹火腩、關鵝叉豉)、泰國菜(青咖喱鴨 、香葉肉碎、 冬蔭功蝦湯)以及多種中西湯水,甚至仲有法式火鍋湯底,全部都已經煮熟消毒,可以喺雪櫃放兩個月,拎出黎成包掉落熱水翻熱20分鐘,或者倒出黎再放入微波爐就食得,再配埋即食飯或者自己煲飯,既方便又快捷!

Olivier Elzer

雖然有「米芝蓮」作招徠,但可以喺屋企食嘅,價錢一定唔會貴得去邊,唔計最平嘅即食白飯同粥,以及最貴嘅鵝肝,大部份都係一百幾廿蚊有交易,同平時出街食個茶記、大排檔差唔多。喺屋企食得悶又不試下!HKTVMALL就有得買啦。