文:MenClub Mean娜  圖:互聯網
POSTED ON 02 Feb 2018

返Office工嘅你都明白一日坐咁多個鐘,如果坐姿唔正確,其實長遠嚟講都幾影響身體健康。但要你坐直啲個人,又要做足Office小運動,似乎又略嫌有點懶同有點麻煩,咁如果話你聽,你Office張扶手凳其實可以幫你輕輕鬆鬆減輕肩膀負擔,成件事會唔會易啲又舒服啲呢?


可能你冇留意Office張扶手凳個扶手究竟有咩用,但既然佢一直存在,相信都唔係為咗裝飾又或者頂住你手踭咁無謂。其實只要將扶手調較成同辦公枱同一高度,將手踭放喺扶手上,雙手就唔會咁攰,而日本亦有網民實際咁跟住試做,發覺真係舒服好多,於是就喺Twitter上大大家分享。

只要用上呢個正確方法,唔單只可以減輕雙手負擔,仲冇咁易駝背,就唔會搞到你成日腰酸背痛咁啦。