文:MenClub 波特先生  圖:互聯網
POSTED ON 10 Oct 2019

較早前火箭總經理Morey在Twitter上發佈支持自由的言論,其後隨即被中國方面不同界別炮轟,並且有來自中國的贊助商即時停止與火箭的合作,電視台亦都明言會停播火箭的NBA賽事。

對此,作為火箭嘅頭牌球星,James Harden在一次訪問中主動向中國球迷致歉。而對於Harden竟然為侵犯自由嘅言論道歉,除左中國之外不同地方嘅人士都希望Harden能夠收回言論,甚至對呢位NBA當家球星感到十分失望。

隨後,NBA總裁Adam Silver對Morey事件進行官方記者會,佢重申會支持言論自由,呢個係佢地國家一直以來嘅基本價值。

未知是否眼見NBA總裁都支持Morey及言論自由,Harden今日再接受訪問時就即刻轉軚,表示自己係站於Silver那一邊的,佢咁樣講:「我們都有言論自由,這就是我們生活的世界。每個人都應該(說出)他們的感受及思考過程。顯然,有些人會感到某種冒犯,而另一些人會同意,那就是我們生活的世界。」

唔知大家又接唔接受呢位2018年常規賽MVP嘅棄暗投明呢?