文:MenClub 摯樂  圖:互聯網
POSTED ON 02 Dec 2019
【驚世傑作】日本國寶級Accuphase 推出50週年純A類合併擴音機E-800

講起日本嘅hi-end音響點能夠唔提Accuphase 金嗓子呢個國寶級的音響品牌,係1972年日本經濟重大飛躍之時,春日仲一及春日二郎兩兄弟離開左Trio-Kenwood Corporation (即現代人理解的 JVC Kenwood)創立了專門製造音響器材的Kensonic(十年後正式改名金嗓子Accuphase),產品一直以Accuphase的名稱出品,長期係日本全國最佳水平的高檔音響器材之一,廠方即將踏入50週年,第一波的慶典係推出全新的旗艦級合併擴音機 E-800,一樣的金色,碩大的機身,迷人A類配上全新的技術,集50年的音響技藝精髓於一身,又係一件 Masterpiece名鑄佳作, 如果你有條件想一試A類擴音機的魔力,定價約七萬港幣的旗艦級合併機 E-800,都唔係一定遙不可及。 

Accuphase的聲音清澈醉人,有一個迷一般的魔力,無論外型,內涵以至聲音價值都讓人有入魔的獨特性,其二手價值高企長期保值,甚至某些舊的旗艦型號不跌反升值,係音響界非常特別的迷人品牌。長期有一大班愛好者把玩,今時今日,全新的旗艦級合併擴音機 E-800,一推出就引起音響迷哄動, 當今世代絕大多數歐美國家音響廠商受著全新嘅歐美環保條例限制, 已經絕少推出能源效益不高嘅 A類擴音機,超級食電強大熱能的A類擴音機係老一輩音響玩家重大嘅迷思, A類擴音機推動力唔能夠與現代A/B類甚至D類擴音比擬,但就有其獨特迷人的聲音魔力。最新的E-800係純A類50W功率輸出,強大身驅精細的輸出單從數字就看出迷人獨特之處。買得起交得起電費,你就是老闆。


不過千祈唔好以為什麼輸出好細推唔喐喇叭,因為你以a/B類的睇法去看純A類是錯誤的,50W的 E-800未必推動到世上所有的大食喇叭但正常的喇叭,一般比香港人居住中位數更大的空間面積,一定夠做!我擔心嘅只係電費問題,不過我的擔心對用家嚟講係多餘,你玩音響買一個旗艦擴音機會擔心電費問題咁你都係唔好玩啦!正如買高級跑車車迷係唔會擔心油費太貴唔慳油。



其實我認為金嗓子三個字已經係王道, 配搭幾張機內圖同機外圖片,已經完美介紹完金嗓子旗艦級合併擴音機E800,其他的多種技術同功能,只是非常之配角。但都講一講,前級部份,採用了「金仔」引以為傲的獨家音量控制技術 Balanced AAVA(Accuphase Analog Vari-gain Amplifier),所有信號也以完全平衡結構,從輸入到輸出下呈現完整的平衡電路,實現超低噪音的低阻抗及 107 dB 的高 S / N 水平。

後級部分,除咗上面提到嘅a類擴音特性以外,E800繼承了「MCS(Multiple Circuit Summing-up)+電路」技術,透過從輸入級到輸出級平衡傳輸,不但具備低失真率,同時有效消除噪聲,此外穩定性及可靠性均大幅提升。輸出元件採用並聯放大方式,每一個聲道放大模組各有 6 個 MOSFET 功率晶體,因為並聯放大,輸出阻抗更低,同時達到高阻尼因數的性能要求。

電源部份一如所有日本高級音響,用了非常壯觀,採用超大型環牛加上兩個 60,000μF 大容量電容組成,提供 50W@8Ω,100W@4Ω,200W@2Ω 線性輸出。 輸出數字唔高但係推動能力其實唔係數字睇落咁低, 基本上正常㗎喇叭肯定足夠推動, 你要試過才能夠知道A類擴音機神奇嘅推動力同埋佢嘅聲音。 



其他規格方面,不平衡輸入×5,平衡輸入×3,擴展插槽×2(可額外選購如 DAC-50 等數碼輸入模組),另設有前置輸出及後及輸入,尺寸為 465W × 239H × 502Dmm,重量為 36kg。

一般合併擴音機都係將廠方前後級合在同一部機器裡面,E800就可以話係前級 C-3850 的技術精華,而後級則採用同門 A-250 的放大線路,集 Accuphase 技術精華於一身的超巨型旗艦擴音機,每一間音響廠極其難合併擴音機都會話實現左接近分體機的高質量重播。 咁到底合併機可唔可以超越同廠嘅前後級擴音機呢? 答案一般係由定價回答。當然以合併擴音機嚟講金嗓子E-800一定係其中一個最好嘅選擇,尤其是係純A類世上基本上冇乜其他選擇。 



可以再加同廠的DAC解碼卡變成全功能一體化的音響