| 【科技元氣彈！】NVIDIA號召電腦用家貢獻GPU效能集氣對抗武漢肺炎 | |
|
集氣一齊對抗敵人，細個有無睇過龍珠「元氣彈」的概念，即係將大家的能量一齊貢獻比悟空集氣出絕招元氣彈。隨住武漢肺炎疫情嚴峻，電腦公司NVIDIAGeForce早前就支援一個實驗室超級電腦計劃，號召全球網民借借大家電腦閒置的 GPU 運算力集氣支援Folding@home ~一個美國加州史丹佛大學研究專題，將龐大且複雜的蛋白質摺疊過程運算分散畀世界各地的個人電腦，通過運算有助於研究各種癌症、阿茲海默症、柏金遜症等疾病，當然而家重點破解敵人係武漢肺炎。
只要你有意支援，無論你用緊電腦係咩野廢機硬體規格如何都有機會可以幫助到研究。只需要下載一個簡單的程式，即可下載需要分析的少量數據，運用閒置電腦運算力，協助運算並將結果回傳返去史丹佛大學。支援以AI電腦解開龐大且複雜的蛋白質摺疊過程運算。 https://foldingathome.org/start-folding/ (齊齊加入電腦元氣彈支援運算！)
Folding@home 計畫總監 Greg Bowman 上週未於 Twitter 宣布，來自全球電腦用戶貢獻的運算能力已超過 470 PetaFLOPs（Peta 是 Tera 的 1000 倍）。Greg Bowman 表示， 470 PetaFLOPs 已經比當今世界最強超級電腦「Summit」（架設於美國 ORNL 橡樹嶺國家實驗室）尖峰性能的 2 倍仲要多。若從連續性能的觀點來看，Folding@home 累積的運算成果已超過現有 7 部超級電腦的總和。元氣彈數據上真係好有實力。
作為電腦「白痴」我未必聽得明佢搞咩野，但至少我知道只要我肯分少少運算力比呢個Folding@home 就感覺有份研究對抗武漢肺炎及各種疾病，又唔駛比錢。悟空地球就靠你，同我出招打敗武漢肺炎，全球需要一個REBOOT。
|
|
