POSTED ON 30 Mar 2020
| 【可以開通頂】好想玩Switch瘋狂《Good Job!》邪惡HomeOffice遊戲 | |
|
近來任天堂 Nintendo Switch爆紅，近日又公開一隻全新邪惡好玩新遊戲《Good Job!》，大玩痴線瘋狂辦公室日常，其實可能是真實平時係Office都會遇到呢類挑戰，大家安心工作一路升職由一樓升上天台玩爆辦公室，真係從來都無咁想返office，玩爆佢個office…….
任天堂全新呢款名為《Good Job!》的益智動作遊戲，可以為少少痴線多多工作狂的香港人帶來新希望，無論你家下宅住HomeOffice定你公司照舊返足，一機在手隨時玩爆。遊戲特色就係「自由」代表你可以用各種瘋狂手段達成你的工作目標，例如開開下會中投影機爆炸，咁解決來講當然可以乖乖行去公司雜物房搬過另一部投影機，不過如果作為事事講快的真香港人，我用彈弓破牆運送飛返會議室才是目標為本好員工，記住每次工作都有目標，為達成目標公司牆壁甚至同事條命都可能只是濕濕碎！   《Good Job!》支援單人玩、或者2 人協力模式皆可，只要將 Joy-Con 分享出去，就可以和家人或朋友一起合作辦公途中追加 2P 玩家，如果覺得公司人手不足搵埋身邊朋友一齊做野。目前呢個遊戲已於 Nintendo eshop 出售數碼版本，售價129元，支援日文 , 英文就係無中文，不過唔緊要日本office的英文肯定淺過小學雞，香港人咁鐘意返工，日又返夜又返又如何。    |
|
