POSTED ON 12 Aug 2020
| 【表面功夫】日本薩莉亞餐廳開發《食飯用口罩》有姿勢無實際？ | |
 日本係一個深具創意表面做足嘅國家，但內裡可能只是敷衍應付虛偽造作，香港人都好熟悉的日式意大利餐廳薩莉亞最近就為客人發表吃飯用口罩，聲稱防止顧客用餐飛沫傳播，仲拍片教大家入店自制，而其實即係比張餐巾紙你加口罩戴一半構造！發表後日網民熱議，話防疫工作係開玩笑級別，當然大家都可以學下去食飯用，但建議用全新口罩.....
 日本的薩莉亞餐廳預計從8月下旬就開始使用呢款「吃飯用口罩」。仲特別拍攝左短片教導大家呢個口罩的快速製作方法，沒錯！！呢個「吃飯用口罩」食客要自己做，薩莉亞會提供一個印有「しゃべれるくん」LOGO的餐巾紙。你將紙巾攤開後，取出你自備的口罩(建議全新！)放係紙巾上，上方留3～5CM然後往下折，然後再將紙巾同口罩一齊往上折。再將呢個所謂《食飯用口罩》戴上，據薩莉亞講就可以邊吃飯邊防止說話時飛沫傳染防疫。    對於呢個折一半口罩加張餐巾紙，你覺得係神發明定智障級巨獻？我只想提一提千萬唔好用戴過出街的口罩折一半製作，因為咁含菌肯定危險過唔戴，用一個全新口罩去整個《食飯用口罩》有無用，你自己用智慧考量一下啦！   |
|
