{ SKIP }
文:MenClub 摯樂  圖:MenClub
POSTED ON 28 Sep 2020
【智能影音】日本Denon微型音響CEOL N11DAB全面解決家居音樂需求

有好多人成日都問我: 喂摯樂,究竟有無D幾千銀但功能全面的微型音響組合,慳位放得落組合櫃唔要淘寶唔要深水埗!通常我都係求其答「咪買套日本Denon微型音響囉!」結果好多人返來讚賞「好介紹!」話買左覺得「掂」!我認認真真介紹高級音響,反而無人讚好,天龍又出左新款CEOL N11DAB微型音響套裝,除左CD仲有埋收音機同串流,無心玩音響但實用想聽歌一定要體驗一下,影音其實都可以係每個家庭必備的生活用品,尤其係智能家居咩都可以語音操控的新世代。



天龍已經推出過好多代的微型音響,上一代叫CEOL N10!今年推出全新世代CEOL N11DAB,除左依然咁醒目靚仔,仲有更強的音質同性能。特別在於新加入DAB / DAB + 網絡電台頻道的方便機能。絕對係新智能家居的終極配合。


CEOL N11DAB來自日本著名音響品牌Denon的最新的全合一音響系統,CEOL N11DAB的身型外觀同前作CEOL N10幾乎沒有區別,用家可以買到一套小巧精緻外觀Cyber高科技產品,適用於多種類型的空間,尤其係香港式細小居住環境。市場上有黑色,白色和灰色3種版本襯托家居。


簡單來講,CEOL N11DAB係一部全能CD播放機,齊備所有必要的組件,例如擴音機,數碼音樂媒體串流,CD播放,解碼DAC,前級控制,藍牙連接、無線智慧網絡連接等。機仔細細上方有觸摸式控制鍵,具有高靈敏度,輕巧性,並在用家觸摸時立即響應控件,操作相當得心應手。機身具有兩層耐刮擦性的表面可以幫助用家係使用過程中感覺更安全。 


Denon CEOL N11DAB除左有所有網絡數碼播放能力,仲有收音機功能,對家庭主婦同居家阿叔來講聽收音機實不可少 。CEOL N11 DAB雖然只係微型音響套裝,但聲音絕對係有質素,喇叭仔配備有12厘米低音單元同3里米高音單元,係標准的兩路書架喇叭仔,原廠配搭最佳耦合效率。設計同用色都一致美觀,除左實用仲賞心悅目。CEOL N11 DAB的全能性係除無線(AirPlay 2和藍牙)外,有線(RCA模擬,光纖數碼)的連接都一應俱全。而且仲可以連接到電視,並係每次打開電視時通過電視的遙控器將音響一齊打開。到夜深夜闌人靜之際,可以正面設置的插上 3.5毫米耳機輸出靜靜聽歌。


簡而言之CEOL N11DAB係一個即插即用音響系統,小朋友同老人家都適用。特別要介紹的係佢內置HEOS平台,用家可以使用HEOS控制應用程式(在Android / iOS上提供)方便咁用手提電話控制裝置。HEOS提供左好多引人注目的功能,例如登錄選播在線數碼串流音樂服務,例如Tidal,Spotify,Deezer等。以及操控選擇播放存儲係網絡硬盤(NAS)中的音樂的資源。 HEOS提供的另一個值得注意的功能係強大的多房間連接性,呢個功能允許用家將CEOL N11DAB與現有的HEOS設備鏈接,然後係某房間或整個家居所有房中播放音樂。如果大家搭開車,好多司機都會用usb播放存儲係USB上的數字音樂文件,大家都可以係CEOL N11DAB直接插USB播歌,幾乎支援任何格式。


新一代天龍微型音響只需講出相應的語音指令,使用當今三個最先進的虛擬助手(包括Amazon Alexa,Google Assistant和Siri)可以取代用家控制CEOL N11DAB,執行諸如選擇音樂源,調節音量之類的操作。 播放/停止音樂或跳過曲目等絕對係一項方便的功能,用戶可以免提執行其他工作,但仍可以控制CEOL N11DAB打開喜歡的歌曲。 


講咁多野,想買個微式音響就值得考慮入手,想玩音響,真係玩音響有學問認真玩,再通知我,我係唔會買呢類微型音響。

【激動勉勵】任正非灑淚祝願新榮耀手機要打倒華為作最強對手 華為將旗下入門級手機業務榮耀出售予深圳市智信新資訊技術公司,係昨日內部網站心聲社區刊出華為創始人任正非係榮耀送別會上的演說。感人肺腑好似老 ...
hobby
【激動勉勵】任正非灑淚祝願新榮耀手機要打倒華為作最強對手 ... ...
27 Nov 2020
【愛回家】TikTok出售交易持續僵持再獲7天寬限 好多人都已經唔記得美國TikTok出售單野,9月時特朗普似乎已經「概念上」同意TikTok與Oracle及Walmart合作脫離中國字節跳動,不過情況一路膠著,剛剛特朗普政府同 ...
hobby
【愛回家】TikTok出售交易持續僵持再獲7天寬限
27 Nov 2020