文:MenClub 玄火  
POSTED ON 02 Dec 2019
老老豆豆,強國之內,究竟有沒有「邪不能勝正」這回事,實在莫衷一是;但中國有一個地方,卻真的是慢慢步向「邪不能勝正」——那就是骨場。
《一路向西》預告截圖
始於1980年的日本骨場極樂湯,屬於綜合式大型城市浴場,通常選址市區,分店面積往往數以10萬呎,有幾層高,入面像主題練園。除了大家想到的溫泉區、揼骨區、睡眠區、餐廳之外,還有漫畫、電玩區、兒童遊樂園等,絕對是老少咸宜的全日好去處,難怪現時在日本有逾40間分店,更於2011年成為日本唯一上市的骨場。相信很多香港人也試過日本和內地的極樂湯,尤其是東京和大阪的分店,乘搭凌晨機到埗的朋友,多數選擇揼個骨,1000日圓便可養精蓄銳,準備朝早搏殺,比住多晚酒店便宜很多。

極樂湯市值約97億日圓,去年營業額160億日圓,年增長15%,發展穩健。值得一提的是即使早在上市同一年就已經殺進內地市場,8間分店散落在上海、杭州、武漢等,中國客人卻只佔28%,內地每間分店年收入達到1億人民幣,人均消費300元人民幣,意味著將來就算只靠擴大中國市場,業務潛力仍然大好,難怪傳出有意把中國業務分拆上市。進一步反映中產壯大之下,骨場已經今時不同往日。
中國極樂湯網站
上海浦東區的分店人丁兩旺,聽講周末要排隊兩小時,每日人次達6000人,場內寸步難移,可媲美內地的主題樂園。唔講唔知,今年「雙十一」,佢哋首次加入玩埋促銷活動,以118元人民幣特價銷售入場券,單日賣出2萬張,唔知果幾日場內會否迫到屍殺列車一樣咁恐怖呢?

資深骨友都心知肚明,內地目前為止也難找到百分百的正骨場。就算大堂周圍是一家大細,麻甩佬幫襯又懂「暗號」,又或者上房之後私底下傾掂數,往往就會出現耐人尋味的特殊服務,相信老闆也無法控制。問題是,內地骨場多年來「正不能勝邪」,如果真是有骨場成功上市,是否意味著中央對踩骨娛樂服務有所放寬?對骨友而言,這絕對是好消息,因為我哋終可堂堂正正對老婆/女友講:「呢間場都上埋市,正氣到阿媽都話好。」