文:MenClub 波特先生  圖:互聯網
POSTED ON 05 Jun 2020

由於武漢肺炎持續關係,NBA自有球員於3月確診後,便隨即停擺至今日,實際幾時可以真正重開仍是未知之數,但相信重開之日已經越來越近,而NBA官方亦已經做足準備,隨時Ready。

據最新消息指,NBA官方已經與迪士尼方面達成協議,將會使用位於奧蘭多全美最大嘅迪士尼樂園進行今個賽季嘅複賽。預計一眾球員及職員將會全數進入樂園指定嘅酒店居住一段時間,並會在其中閉門作賽,沒有球迷但可能會有米老鼠、唐老鴨等觀眾在場邊打氣。

除此之外,NBA官方亦已經宣佈今個賽季嘅常規賽正式完結,有8支戰績最差嘅球隊提前放暑假,而餘下嘅22支球隊將會進行爭入季後賽嘅最終對決,暫時仍然未公佈究竟玩法係點,但好似目前排名東西岸第9-11位嘅球隊仍然有機會打入季後賽。

其實大家都餓波餓左好耐,希望NBA今次真係可以盡快開打,但當然健康更重要,千萬要妥善準備好一切先再開戰,唔好再比球員亂黎。