{ SKIP }
文:MenClub 波特先生  圖:互聯網
POSTED ON 13 Jul 2020

網球傳奇現時世界排名第四嘅「瑞士天王」費達拿即將迎來自己39歲生日,雖然年齡上已經到達退役階段,但佢依然係目前網球壇最出色嘅球員之一,可惜嘅係退役始終好快就會到來,佢自己亦深明呢一點。

Credit: Ahmed Jadallah/Reuters

對於退役一事上,費達拿明確表示已經越黎越近,並明言屆時自己必定會非常想念網球,雖然佢覺得如果而家就退役,對佢自己黎講可能簡單一點,但佢仍想比自己一個機會,去享受在網球場上最可愛嘅時光。

2020年對於費達拿黎講一啲都唔容易,因為佢自今年澳網後就接受左兩次膝蓋手術,令佢今年提前報銷,只可以不斷復健為2021年復出作準備。目前,費達拿嘅身體仍然未能夠到達可以參賽嘅水平,但仍每日不斷訓練,希望能夠盡早回復狀態。

而「費天王」黎緊其中一個目標就係,希望參加明年延期了嘅東京奧運,以爭奪其網球生涯上唯一缺欠:奧運金牌,咁樣佢就可以達成「金滿貫」呢個紀錄。

在不少球迷看來,費達拿退役後其中一樣可以做嘅事情,就係訓練其孩子成為其接班人,去繼續統治網球壇。不過好可惜,費達拿確認自己4個孩子竟然完全對網球零興趣,即使係父親大戰拿度嘅夢幻對決,佢地都無興趣入場觀看,對此費達拿表示無能為力,只能讓孩子自由成長。

Credit: ALPHA PRESS

所以,相信費達拿退役後,應該就不會再有下一個費達拿出現了....

今次係世錦賽過去8年嘅首桿147!
sports
【世錦賽】希堅斯生涯第10杆147,可惜仍要出局!
07 Aug 2020
真係一代新人勝舊人~~~
sports
【身價漲跌】日本小將久保健英身價已超G.巴利
05 Aug 2020