文:MenClub 波特先生  圖:互聯網
POSTED ON 17 Jul 2020

西甲第37輪賽事,在皇馬擊敗維拉利爾下,同時亦宣告銀河艦隊壓倒巴塞贏下今屆西甲聯賽冠軍。對於上季僅排名聯賽第三位,落後冠軍巴塞多達19分嘅皇馬,今季能夠贏下冠軍真係令唔少人感到神奇。而當中最大嘅功臣,絕對係球隊教練施丹。

Photo source: AFP

施丹上季臨危受命二度回歸皇馬執教,這位救火隊長上季在前人挖下嘅深坑中盡量拯救球隊,雖然最終未能贏下錦標,但球隊表現明顯有提升。而黎到今季,施丹再一次施展魔法,重點提升球隊防守,以取代失去C朗拿度這等入波神人嘅攻擊力,最終成功減少不必要嘅失分。

Photo source: Getty Images

施丹除了在球員時期已經係星級嘅存在,想不到做了教練後短短幾年已經成為歷史級,佢第一次執教皇馬係2015年1月取代賓尼迪斯,其後為球隊連續三年帶來歐冠盃冠軍,載入足球史冊當中,當中亦包括1個西甲聯賽冠軍,之後佢突然宣佈離任。

Photo source: Getty Images

離任一年後,施丹再次接手球隊,最終僅用一年多啲嘅時間就再次為球隊帶來重要冠軍,相信皇馬管理層真係對施丹愛不釋手,唔知今次呢位法國球王會留喺皇馬幾耐呢? 會唔會一直做落去呢?