文:MenClub 波特先生  圖:互聯網
POSTED ON 29 Jul 2020

想當年嘅荷蘭中前場孖寶史尼達及洛賓,先後於去年宣佈掛靴結束球員生涯,但其實當時佢地都只係35歲。而只係短短相隔一年,洛賓已經身痕,並於今年6月宣佈復出,並加入荷甲球隊格羅寧根,而史尼達亦可能緊隨其後回歸球壇。

(Credit: AFP)

(Credit: ANP)

近日有消息指,史尼達現身業餘球隊DHSC嘅訓練場,但就未有上場進行訓練。而有外國媒體指,史尼達有意復出加入另一荷甲球隊烏德勒支,但因為佢身型嚴重走樣,狀態完全不行下,才決定到業餘球隊展開特殊訓練。

不過事實上史尼達還沒有完全決定好係咪真係復出,教練指佢可能最終會選擇當經理人或教練,當然復出當球員亦係選擇之一,而好快佢就會作出決定。

(Credit: Getty Images)

自從去年退役後,史尼達放縱自己,飲食沒有節制,亦減少運動,因此身型走樣變成一個肥佬,要在短時間內回復最佳身型相信有啲時間,不過唔係無可能的,大家睇下前拳王泰臣就可以知道了。