文:MenClub 波特先生  圖:互聯網
POSTED ON 05 Oct 2020

尋晚英超賽事出現令人驚訝嘅比數,其中衛冕冠軍利物浦以2:7慘敗於維拉腳下,而曼聯則以1:6不敵由前領隊摩連奴領軍嘅熱刺。兩場比賽嘅結果都令球迷完全估唔到,而雙方教練賽後嘅反應亦可以睇得出二人嘅不同。

Credit: Getty Images

對於不敵維拉,高普首先讚揚維拉每一方面都做得好好,球隊嘅失誤都係因為對方嘅壓識做成,其中第一個失球令球隊迷失,佢地反應不來。

之後高普其實都有讚自己球隊本來做得不錯,只係最後入唔到球,相反對方把握力出色,最終做成巨大差異。

對於球隊陷入迷失,高普表示唔算有幾奇,只係球隊將所有負面嘅野同失誤同放在同一場比賽入面,下場寄望可以重整旗鼓,並在訓練中改善。

另一邊廂嘅曼聯,蘇斯克查認為即使1:2落後的時候,球隊仍處於節奏當中,只係當Martial被紅牌罰出場後,一切都變了。蘇帥承認Martial嘅反應不夠冷靜,但質疑對方球員拉美拿點可能就咁倒地,呢個完全係一個笑話,如果拉美拿係佢個仔,佢未來兩個星期只可以食面包同飲水。

之後蘇帥對於呢場大敗亦無話可說,並表示可能會在轉會窗關閉前再有動作。