文:MenClub 波特先生  圖:互聯網
POSTED ON 16 Oct 2020

雖然今年NBA因疫情關係賽程受嚴重影響,但最終湖人仍歷史性相隔10年後再一次奪得NBA總冠軍,而呢個冠軍正好獻給今年1月意外離世嘅湖人傳奇Kobe Bryant。

Credit: Getty Images

對於湖人今年能夠重奪總冠軍,相信一班湖人球迷必定感受良多,因為年頭球隊嘅傳奇Kobe Bryant不幸因直升機失事離世,整個洛杉磯,以至整個NBA都陷入傷心當中,因此湖人上下都決心為咗獻總冠軍比Kobe而傾盡全力,最終真係成功為湖人為Kobe獻上金盃。

不過,有人為Kobe傷心、努力,另一邊廂卻有人不屑,甚至於湖人奪得總冠軍後於史達普斯中心場外大喊F*** Kobe,明顯係挑釁嘅行為,而喺眾人正慶祝球隊奪冠之際你咁樣侮辱離世嘅傳奇,結果相信已經可以預見。

只見呢位大喊F*** Kobe嘅人士被現場多名湖人球迷往死裡打,雖然該名人士仍然有反應,但相信唔死都要入廠,但你喺呢個時候決定咁樣叫,比憤怒嘅球迷打都完全能夠預見得到。相反,如果有人問你良心去咗邊就要打人嘅,呢啲就叫失控啦。