文:MenClub 波特先生  圖:互聯網
POSTED ON 03 Feb 2021

足球比賽不時會出現受傷情況,而門將因為作為門線前嘅最後一道防線,所以不時要同對方球員硬碰硬,日前一場巴甲聯賽就有門將出現恐佈受傷。

較早前巴希亞與華斯高嘅聯賽,華斯高於半場線前獲得自由球,球員大腳斬入禁區,個波飛去嘅落點非常獨到,啱啱喺門將同球員之間,華斯高球員當然盡力飛到盡希望將個波踢入網,但門將已經早著先機雙拳打走個波,點知對方隻腳收唔切,成個鞋底印落門將塊面度...

雖然華斯高球員之後成功將個波射入網,但由於門將已經倒地,球證隨即翻睇VAR,並決定取消入球,並因為屬於危險動作所以向球員直接出示紅牌驅逐離場。呢張牌,絕對合理呀。

而被鞋底踢中嘅門將,當刻塊面梗係爆晒缸啦,而之後即刻送去醫院,最後塊面需要縫上5針,叫做唔係非常嚴重,都真係執到啦。