文:MenClub 波特先生  圖:互聯網
POSTED ON 06 Nov 2019

全球智能手機市場自2017年開始下滑並一直低滯不前,但黎到2019年第三季,令人驚訝嘅係市場竟然有1%嘅智長,呢個係過去兩年未曾見過的。而帶領全球智能手機市場迎來逆轉嘅最大功臣係Samsung及華為,因為兩家公司呢一季嘅增長率達到雙位數字。

全球出貨量最多嘅手機繼續係Samsung,佢地2019年第三季一共出貨7890萬部手機,比去年同期增加11%,市場份額去年同期為20.4%,而今年則達到22.4%。據消息指,Samsung能夠增加市場份額及有巨大增長,主要係得益於性較比較高嘅A系列手機。

而排名第二位嘅係華為,佢地2019年第三季一共出貨6680萬部手機,比去年同期增加29%,因此其市場份額亦由去年同期嘅14.9%增加至今年嘅19%。對於華為黎講,2019年相對較為困難,因為公司被美國列入實體清單,並被限制其海外手機安裝Google Play商店,所以海外銷售情況唔理想,主要係得益於中國國內銷情大幅增加。

至於排名第三位嘅Apple,2019年第三季出貨量僅有4350萬部,比去年同期下跌7%,因此市場份額亦由13.4%下跌至12.3%。由於Apple一直將手機定價設於較高位置,並沒有中低階手機,所以未能佔據該份額,但明年有指會推出iPhone SE2,預計將可以為Apple挽回不少。