{ SKIP }
文:MenClub 摯樂  圖:互聯網
POSTED ON 19 Nov 2019
【電競達人】Creative日本率先推出遊戲專用SXFI Theater 無線耳機

各位有砌過電腦嘅朋友,一定認識Creative呢個老牌影音品牌,除咗出聲效卡同埋喇叭之外,針對耳機市場尤其是電玩的耳機市場,Creative率先喺日本推出全新SXFI Theater 無線耳機,定價約為 ¥24,800 日圓。 擺明攻取電競的龐大新市場。 如果你係電玩嘅愛好者無論你用PC定Mac OS, 甚至PS4同埋Nintendo Switch都可以善用呢個USB手指配搭的無線耳機SXFI Theater ,將遊戲聲音發揮到極致直接傳遞你腦海。

SXFI Theater 主體是一個頭戴式耳機,以不銹鋼製作耳樑,為左加強舒適度方便長期佩戴耳罩利用左透氣網布材質。功能上,唔知點解作為電競主打的耳機都一定係會有發光的燈,SXFI Theater 無線耳機同樣側面設有支援 1600 萬色的 RGB 幻彩背光,用家可以透過 SXFI Control 專用程式或 SXFI AIR Control 手機 APP 遠程操控自曲選擇無用但必備的電競背光效果。

作為打機專用,當然要有低延遲技術,SXFI Theater 擁有低延遲傳輸技術,配備 2.4GHz USB 接收器,只有普通接收器 1/5 左右的延遲,能以最大限度肯定聲音同步。而呢次新作SXFI Theater的最大特色低擁有 Super X-Fi全像音頻技術,透過智能分析用戶的臉部和耳朵特徵,提供針對性的音響模式,效果接近 5.1 / 7.1 環繞音效的專業音響系統。



所謂的 Super X-Fi 全像耳機技術,係由電腦智能分析用戶耳形同臉型,通過AI複雜運算程式,為用戶定度身訂造出個人的音響模式,將音響系統播放到人體耳朵三維空間裡,讓用家能感受到深度、細節、聲場、三維環繞、現場感以及真實感等多種體驗,據廠方聲稱只需單靠耳機便能讓使用者彷彿進入真實的音響現場。

SXFI Theater 無線耳機最有的地方係除左支援 PC 及 Mac OS 外,耳機仲支援多個平台,更可兼容 PS4 和 Nintendo Switch,機身設有 Super X-Fi 技術開關、可拆式耳機咪高峰插口、3.5mm 和 USB TYPE-C 等。

呢隻耳機採用左專業調校的 50mm 大口徑釹磁單元,抗阻32Ω,頻響範圍:20Hz 至 20kHz,聲壓靈敏度:114dB / mW,設有單向麥克風,抗阻 <2.2kΩ,頻響範圍: 100Hz - 8kHz,聲壓靈敏度:-42dBV / Pa。內置使用 1300mAh 鋰電池,無線續航力大約 30 小時,足夠一樣正常打機電競使用,用家可透過耳機上的 USB-C 充電,充電時間只需 3 小時。重量約 339g,連接咪高峰時約 346g。

如果你係電競達人或者打機扮勁,不妨買一套無線電競耳機玩下,Creative老字號加上日本先行推出的型號SXFI Theater 應該唔會讓你失望,至於定價¥24,800 日圓(約 港幣1780)貴唔貴就睇你有幾精於電競啦。

https://jp.creative.com/p/super-x-fi/creative-sxfi-theater



上星期同大家介紹過,美國太空總署正式啟動「Artemis計劃」,準備於2024年再次將人類送上月球,而且長遠黎講更希望登陸火星。咁成個計劃當然就唔係整支火箭,射班人上月球就完事,NASA最新就與眾籌平台HeroX合作,推 ...
tech
【太空】NASA懸賞500萬美金 尋求月面能源方案
28 Sep 2020
Amazon較早時間舉行發佈會,公開咗如新款Echo Dot、FireTV Stick之類,但要講到最驚喜嘅,就係公佈2021年會推出一個叫「Always Home Cam」嘅家居監察鏡頭,而佢嘅賣點唔係有幾清、有幾廣角,而係隻Cam係識得飛! ...
tech
【Amazon】Amazon公佈飛天家居監視器「Always Home Cam」
25 Sep 2020