文:MenClub 摯樂  圖:互聯網
POSTED ON 26 Nov 2019
【機械警狗】美國警察測試利用機械狗Spot robot執法

美國科技公司Boston Dynamics推出的四腳機械獸叫做「Spot robot」已經歷多代進化,最新版本黃色的機械狗Spot robot除左會行會跑會跳舞拉車外,仲正式成為警狗,將會幫忙美國警察執法,據報導由8月到11月中,美國麻省洲警察炸彈小隊已從Boston Dynamics 租借左Spot 機械狗以測試係複雜危險的環境協助警方執法,做偵察爆門排爆等高危險工作,貪其機動靈活無生命,可以係危險中正式當用完即棄警狗「安全套」。當然好多人睇過科幻劇《黑鏡》當中第四季有一集《Metalhead》故事就係講主角被AI的機械狗全程追殺,而其故事靈感正正來自Boston Dynamics推出的機械狗。截至目前為止Spot robot 已為麻省警方執行過兩次出勤任務, 將來有可能全面應用,未來世界警察可能全部都係機器人,反正警察本來就愈來愈無人性,比起人類,機械狗反而唔會侮辱人,唔會恥笑你食麵包,當然我驚機械狗多過驚真人警,所以一定要有獨立調查委員會睇實D機械警狗公平公正公開,千萬唔好引入AI人工智能執法,將世界「黑鏡」化。

呢隻四腳機械獸叫做「Spot」,係美國公司Boston Dynamics製造嘅已經係第N代。近日美國傳媒披露麻省的警察炸彈小隊已從Boston Dynamics 已經引入Spot。 MSP發言人David Procopio對WBUR表示:“由於機器人技術能夠提供對潛在危險環境的態勢感知能力,因此它是執法的重要工具。此外,Boston Dynamics業務發展副總裁Michael Perry表示,佢不希望將Spot武器化。 並指出“目前,我們的主要興趣是將機械人發送到您想要在危險的環境中收集環境的信息,有時環境對發送人來說太危險了。”喺8月到11月的三個月美國麻省州警察租借機械狗Spot robot,實際測試其於執法嘅活動特別係涉及犯罪嫌疑人同爆炸物品嘅危險環境之下進行遙控巡查嘅能力。

喺美國使用機械人協助警方執法一直存在巨大爭議,美國警察經常面對危險嘅環境, 使用機械人而引發社會爭議嘅其中一單先例來自2016年,德薩斯州有一位懷疑要報復社會嘅前美軍士兵( 即係Rambo真人版!) 喺達拉斯鬧市區對住一場遊行示威活動開槍, 擊中12名警察其中五人死亡。 警方同呢位前美軍嘅對峙當中 由於戰術上輸畀呢位擁有豐富作戰經驗嘅槍手於是最終選擇一種極具爭議性嘅方法結束呢場對戰, 當時警方選擇操縱爆破機械人將機械人引到槍手嘅附近並引爆機械人攜帶嘅c4炸藥, 直接將犯罪槍手炸死。 引起巨大社會爭議,不過提出同埋執行呢個行動嘅警察並冇因此被檢控, 相關嘅爭議討論至今依然係美國醞釀並未停息。

科技為世界帶來新嘅想法同埋做法, 最終引發嘅係黑鏡式嘅科技恐怖,還是科技為人類帶來美好嘅改變相信最終都係取決於人類如何應用科技。