文:MenClub 摯樂  圖:互聯網
POSTED ON 16 Dec 2019
【蘋果專用靚聲】美國Fender推出手機微型解碼 AE1i Audio Enhancer

早前有介紹過時下最簡單的手機靚聲玩法,加添超小型微型解碼連接有線耳機,最輕巧方式聽靚聲,不過蘋果手機朋友作為一個受保護獨立界面要等其專屬的產品。正好美國音樂大廠Fender正式為樂迷帶來新驚喜,推出針對蘋果手機的 Lightning - 3.5mm 轉換解碼線,手機想好聲,唔係就咁播可以比擬,呢條Fender AE1i Audio Enhancer,用同唔用聲音差好遠,八百幾蚊如果你有條靚的有線耳機,值得使用。

Fender 係一個好有傳奇性的音樂品牌,有玩開音樂尤其結他友無理由唔識,近年佢地同好多音樂品牌一樣轉插手耳機耳場,推出左耳機的產品,而今次推出的機微型解碼 AE1i Audio Enhancer無擬是蘋果用家佳音。

Fender AE1i Audio Enhancer專為iPhone而設,產品中文學名應該係高音質解碼耳擴,內置超迷你解碼, Lightning 插頭內設有獨立音訊傳輸晶片內有 AppleTM 專利 A2M 的 DSP 晶片,然後數碼音訊經過運算處理後再交由 Cirrus Logic 專為 iPhone 設計的 CS42L83 晶片作解碼及放大,最後直接輸出到你的傳統靚聲有線耳機,專門為要求還原高音質的發燒友而設。如果你但求有聲出又方便,坊間無線藍芽耳機多的是,不過靚聲是一種毒癮,用 iPhone 加上 AE1i配搭你的耳機,有追求係返唔到轉頭。

 

Fender AE1i 比較就咁插入轉接頭播歌,可以讓你耳機播出更豐富的細節,重現出充滿活力和感染力的音樂,低頻收放人聲自然度完全另一回事,而且音色自然,反正好聲其實唔難聽得出,只怕你不敢試毒同無一隻好耳機。AE1i 的輸出功率強大,有高達 120mW,可以其實大細耳機都可以發揮作為,當然出街就唔建議用大隻耳機,好聲的野你自然就住用。

 

 

呢隻野唔止即播即用,仲有apps玩,專用 Fender Audio Enhancer App 設有 2 個增強模式,由 A2M 晶片進行高效硬件運算處理,以更低失真的方法去改變音色,A2M 晶片亦提供多個預設 EQ 及 7 band 自訂 EQ 設定以微調音色,音色設定會自動儲存在 AE1i 內,即使用不同的 iPhone 都可享有最佳音效。而 App 亦設有軟件更新功能,估唔到機仔細細都仲有其他野可以把玩,不過玩EQ有違發燒友的發燒心態,故把玩把玩心態對待就正確。

 

AE1i 支援 24bit 規格,普遍 iPhone 用家日常使用的Tidal, YouTube Music、Apple Music、Spotify、MOOV、JOOX 等平台都可以全面發揮靚聲作用。當然如果用來睇片打機睇Netflix都會發揮到其經過解碼的獨立靚聲作用,反正800幾我個人認為超值抵玩。



產品規格

DSP 芯片:AppleTM A2M

解碼芯片:支援 32bit/384kHz

輸出功率:120mW@32Ohm

頻率響應:20Hz – 20kHz

訊噪比:114dB

總諧波失真:0.0019%

重量:8g

建議零售價:HKD 880