文:MenClub 魏文青  
POSTED ON 17 Jan 2020

假若大家近來會坐飛機去歐洲旅行,或者會喺機場見到一架有如白鯨一樣嘅飛機,而你嘅女伴就一定會問你:「架機去邊架?點解咁得意嘅?我哋可唔可以又坐呀?」而睇埋下篇呢幾段嘢呢,你就識答佢啦!

呢架超級大白鯨正式名稱係Airbus Brluga XL,型號A330-743L,係一架由A330-200客機改裝而成,專為運送客機的半製成品部件如機翼到各個組裝廠房而設。簡單啲講佢係一架貨機黎,所以正常人應該冇機會乘搭。佢獨特嘅外型亦係為咗容納大型貨物而設,而「小白鯨塗裝」就是20000名空中巴士員工進行內部投票選出,小白鯨塗裝以40%得票率中選。

實際上空中巴士目前亦有一款「大白鯨」貨機作同樣用途,個樣都係差唔多,但超級大白鯨再長多六米、闊多一米,戴重亦多四噸,可以裝載兩隻A350 XWB(舊款只可以裝一隻)。超級大白鯨自2018年頭開始進行測試,經過將近兩年時間、超過200次試飛,先喺上年11月得到歐洲航空安全局發出批文,預計1月內就會進行第一次正式飛行。