文:MenClub 波特先生  圖:互聯網
POSTED ON 19 Mar 2020

由中國武漢開始爆發,並令全球疫情蔓延嘅武漢肺炎,至今已經引發歐美地區陷入災難性嘅境地,市民留在家中,公司關閉等。而其中在中國及美國都擁有超級工廠嘅電動車生產商Tesla,就無懼疫情希望可以繼續生產。

早於疫情最嚴重的時候,Tesla於中國上海價值20億美元嘅生產工廠被迫停止了10天,但其後中國開始全國復工,Tesla好快就成功恢復生產,日前更加獲得國務院及上海市政府表揚,稱Tesla為「復工模範生」。

不過,另一邊廂位於美國加州嘅工廠,雖然老闆Elon Musk信心滿滿認為工廠可以繼續生產,加上加洲政府官員表示Tesla嘅工廠屬於「必要」產業,但其後當地警方卻引用當地疫情管理法規,指Tesla並非「必要」產業,只能夠以最低限度營運。即係話雖然唔係要你完全停工,但明顯Tesla將難以Full Power生產電動車,預計產量將會大幅下跌,並會影響電動車市場供應。

如果Tesla方面唔配合加州警方嘅要求,將會被罰款或面臨坐監禁嘅刑罰。Elon Musk其後表示,佢自己將必定會上班,其他員工如果需要留在家中,那是完全可以的。