文:米  圖:互聯網
POSTED ON 26 Jul 2019

榴槤同威士忌都係出名氣味濃烈,如果將水果界最烈crossover酒界最烈,又會產生點樣嘅化學反應呢?唔使估喇!喺新加坡美食博覽會上就有廠商推出「榴槤威士忌」,仲要用上頂級嘅「貓山王榴槤」咁話喎,究竟好唔好飲呢,睇怕真係要試過先知喇!

來自馬來西亞嘅「Tropical Wine Sdn Bhd」公司早前喺新加坡美食博覽會中,推出「榴槤威士忌」,聽講呢款「榴槤威士忌」用上100%貓山王榴槤果肉所釀成,鍾意榴槤嘅巴打一定會對佢非常感興趣!

至於威士忌嘅部分,則與傳統威士忌嘅釀製過程唔同,而且當中嘅威士忌濃度亦只有18%,唔符合新加坡法律所規定嘅37%濃度。所以嚴格嚟講,呢款「榴槤威士忌」並唔算係威士忌酒種,睇怕未必可以滿足一眾威士忌Fans。

目前呢款「榴槤威士忌」嘅價格約260毫升98新加坡元;700毫升198新加坡元;750毫升200新加坡元。唔知遲下喺香港又有冇機會試到呢款咁特別嘅威士忌呢?