{ SKIP }
文:MenClub 魏文青  
POSTED ON 28 Oct 2019
黎到10月尾,天氣開始轉涼,大家平日落街食Lunch都舒服得多,Weekend食飯就更加要搵個能夠享受呢種天氣嘅好地方,例如位於銅鑼灣「Zeng」就係好地方啦!

Zeng嘅讀法就係「正」,其中一樣最「正」嘅就係佢個景!因為高據三十樓,即使喺銅鑼灣中都有270度景觀,其中一面牆更可以完全打開,再加上舒適嘅梳化,呢個天氣淨係坐喺到都係一件賞心樂事。亦因為咁高嘅關係,Zeng嘅定位係「空中酒吧」,換言之主要黎講,係預大家去飲酒嘅。
Vampire Bubbles
Mr. Woman
風林火山

另一「正」就係佢提供嘅Cocktail。餐廳認為「Zeng」有萬物篩一之意,所以整體設計包含新舊中西,連酒單都係中西合壁。例如傳統雞尾酒「Old Fashioned」會用威士忌,Zeng就將其變成中國酒,再加陳皮等東方香料,調好後仲要倒返入個古裝劇先見到嘅酒壺,再加荔枝木燒出黎嘅煙先完成,味道亦娛得複雜而有特色,非常破格。另外亦有出自《孫子兵法》嘅「風林火山」Shot,以及分半鐘飲完有嘢送嘅「八陣圖」。

值得一提嘅係大部份特色雞尾酒賣相都相當「IG-able」,例如「Vampire Bubbles」為紅色伏特加再加乾冰出哂煙咁、玫瑰氣酒「Mr.Woman」個杯仲有堆花瓣喺到,帶埋女伴去影返幾張靚相都抵玩。

和牛他他
火焰鹵水五花腩
北海道帶子夾海膽
意式生龍蝦刺身
雖然話主打為酒,但Zeng亦有唔少創意食譜,例如松露乾炒牛河頗有鑊氣,即磨黑松露亦係視覺享受;牛肉他他雖然常見,但採用澳洲和牛,而且刻意保留肉塊結構,蛋黃內注入松露及馬斯卡邦芝士,有口感之餘亦味道亦豐富;火焰鹵水五花腩啟發自燒腩仔,上菜時再以烈酒點火加重香氣,慢煮五花入口即溶而且不覺肥膩,豬皮香口脆身但強烈建議襯熱食。另外亦有顧名思義的北海道帶子夾海膽,配上魚子醬及金箔;意式生龍蝦刺身加西芹頭沙律、紫薑及青檸橄欖油。值得一提係因為設計上預咗啲嘢食係配酒,所以份量比較小。
上回講到「紅配紅、白配白」的襯酒迷思,食物顏色和酒液顏色是可供參考的標準,但不一定完全準確。或者新年留在家中諗下賀年食品襯乜酒,保持身體健康之餘,順便誠心感謝某國經常關照香港就更好。 ... ...
watchesandwine
五花馬 - 好酒過新年
24 Jan 2020
而餐桌上的酒如何配襯食物當然是非常重要且充滿學問,然而,最常聽到的「紅酒配紅肉、白酒配白肉、甜酒配甜品」究竟是否 Food & Wine Pairing 的金科玉律? ...
watchesandwine
五花馬 - 紅配紅、白配白?
22 Jan 2020